Accomplishments

Kampo Heneral Paciano Rizal – Arestado ang 19 personalidad kahapon Oktubre 10, 2023 sa Anti-Illegal Gambling Operations ng Laguna PNP, sa pamumuno ni POLICE COLONEL HAROLD P DEPOSITAR, Officer-in-Charge, Laguna PPO.

Ang kampanya ng Laguna PNP laban sa iligal na pagsusugal ay maigting na pinatutupad ng kapulisan ng Laguna sa tulong at suporta ng mamamayan lalong lalo na ng mga Barangay Intelligence Network (BIN) sa iba't ibang bahagi ng Laguna.

Nagsagawa ang Laguna PNP ng 10 na operasyon laban sa illegal number games o mas kilala sa tawag na (bookies) na nagresulta sa pagkaaresto ng 10 na suspek. Samantala, tatlong (3) operasyon naman ang naitala laban sa other forms of illegal gambling na nagresulta din sa pagkaaresto ng siyam (9) na personalidad. Nasamsam sa mga arestadong suspek ang halagang PhP9,256.00 na bet-money.

Kasalukuyang nasa kustodiya ng kani-kanilang operating units ang mga arestadong suspek na nahaharap sa kasong paglabag sa Republic Act 9287 "An Act Increasing the Penalties for Illegal Numbers Games, Amending Certain Provisions of PD 1602".

Ayon sa pahayag ni PCOL DEPOSITAR, “Patuloy sa pagsasagawa ng mga operasyon ang Laguna PNP laban sa mga iligal na pagsusugal. Patuloy din nating pinapaalalahanan ang ating mga mga kababayan na iwasan ang pagsali, pagtaya at paglalaro ng mga iligal na pagsusugal, sa halip ay gamitin ang pera para sa kapakanan ng pamilya. ” #gtgilao