Laguna PNP-PIO

Press Release

Friday, August 25, 2023

 

Kampo Heneral Paciano Rizal – Iniulat ni PCOL HAROLD P DEPOSITAR, Officer-in-Charge, Laguna Police Provincial Office, kay CALABARZON Regional Director PBGEN CARLITO M GACES, ang pagkakaaresto sa labing-anim (16) na wanted persons sa loob ng isang araw na “Warrant Day” operations ng Laguna PNP, noong Agusto 25, 2023.

Kabilang sa mga nahuling wanted persons ang isang (1) most wanted person, municipal level, robbery with violence against or intimidation of persons, isang (1) attempted homicide, isang (1) RA 7610, isang (1) violation of section 12 article II of RA 9165, isang (1) violation of Sec. 5 and 11, RA 9165 AND RA 10591, isang (1) qualified theft (8 counts), apat (4) na theft, isang (1) Estafa (14 counts), isang (1) Less Serious Physical Injuries (RPC Art 265) and Malicious Mischief, at isang (1) Crime of Removal, Sale or Pledge of Mortgaged Property (RPC Art. 319).

Ang mga arestadong akusado ay kasalukuyang nasa kustodiya ng kani-kanilang operating units.

Samantala ang mga korteng pinagmulan ng kanilang mga warrant of arrest ay iimpormahan sa pagkaaresto ng mga nasabing akusado.

Ang ‘Warrant Day’ ng Laguna PNP ay isinasagawa tuwing huwebes at matagumpay na naipapatupad sa pamamagitan ng mga nakakaalap na impormasyon mula sa aktibong suporta ng komunidad sa iba’t ibang barangay sa lalawigan ng Laguna.

Sa pahayag ni PCOL DEPOSITAR “Ipinagmamalaki ko ang kapulisan ng Laguna sa mga operations na ito. Nagpapasalamat din kami sa ating mga kababayan na patuloy na nakikipagtulungan sa kapulisan upang agarang madakip ang mga akusadong nagtatago sa batas.” #gtgilao